Kooperatiba elkarte txikia eratu dugu, gure filosofiatik hurbilen dagoen forma juridikoa: Must Koop. dauka izena. Kantinan, beharginok hartzen ditugu gure lanari buruzko erabakiak. Ostalaritzaren gure eredua lantzen joan gara urteotan. Burujabea.
Ezagutu gure lan taldea.
Must egitea uretara salto egitea da, murgiltzea, bustitzea, inplikatzea.
Kooperazioan sinesten dugu, eta ez lehian. Kontsumo kontzientea da gurea, produktua nondik datorren ezagutu gura duena, gauza berriak probatzen dituena, arreta ipintzen duena detaileetan, eta herriari ekarpena egin gura diona zeozelan, sozialki eta kulturalki.
Kantinatik kanpo ere beste proiektu batzuetan murgilduta ibiltzen gara. Eta hor goaz, gure erritmoan, astiro baina ikasten eta hobetzen, bizi-proiektu bizigarri bat eraikitzen.
Must! Gustoko ez ditugun ohiturei itzulipurdi bat ematea da, urak salpikatzean entzuten den soinuarekin. Mustean ibiltzea buzeatzea da, hondoan arakatzea, mustuger egitea. Musté, ogi zati bat zopa-saltsatan bustitzea, atzamarrak txupatzea gustora zaudenean. Mustatzea, dastatzea da, probatzea, arreta ipintzea, denbora eskaintzea musturren aurrean duzun horri. Mustatxa, bibote bat koipeztoa, bitsak margotzen duen poztasunarena ezpainen gainean: irribarre bat, musturrak jateko modukoa. Must! Topa egitea, blaitzeko eta zelebratzeko.
LAN TALDEA
EKAITZ
Bazkide Administradore Solidarioa, kooperatibaren ko-sortzailea eta langilea.
/ 2015eko uztailetik Kantinan.
· Formakuntza: Komunikazio ikasketak; barista eta zerbezagintza.
· Kantinatik kanpo: sormena eta kultur mobidak.
· Edari bat: etiketa bako jolasak eta fermentazio esperimentuak.
· Eguraldi bat: justuriak ilunabarrean.
JANIRE
Bazkide Administradore Solidarioa, kooperatibaren ko-sortzailea eta langilea.
/ 2015eko abendutik Kantinan.
· Formakuntza: Psikologia eta Genero Berdintasuna; barista eta sendabelarrak.
· Kantinatik kanpo: hezkidetza eta botanika.
· Edari bat: bourbon barrel aged imperial stout.
· Eguraldi bat: neguko eguzki hotza.
YAIZA
Bazkide Laguntzailea,
eta langilea.
/ 2015etik Kantinan, interbaloka.
· Formakuntza:
Soziologia eta Gizarte Lana.
· Kantinatik kanpo: Sevilla eta raveak.
· Edari bat: kafekoletxe esniegaz.
· Eguraldi bat: euri zaparradak parra-parra.
UNAI
Bazkide Laguntzailea,
eta langilea.
/ 2021eko urritik Kantinan.
· Formakuntza: Arkitektura.
· Kantinatik kanpo: marujeatzea.
· Edari bat: ardo botila berezi bat,
konpainia onean.
· Eguraldi bat: herriko haizeagaz Jaizkibel garbi ikusten denean horizontean.
GOIZALDE
Langilea.
/ 2023ko maiatzetik Kantinan.
· Formakuntza:
Nazioarteko Harremanak.
· Kantinatik kanpo:
mugimendu sozialista.
· Edari bat: zerbeza azidoak.
· Eguraldi bat: egunsentia ekialdetik.
ANA
Langilea.
/ 2023ko ekainetik Kantinan.
· Formakuntza:
Zientzia Politikoak.
· Kantinatik kanpo:
mugimendu feminista.
· Edari bat: sagardoa.
· Eguraldi bat: egun epelak.
Kantinan gugaz lan egin gura duzu?
– egin klik –