Horizontearen panoramika zabala eskaintzen digu talaia honek, herriaren goiko mandatik. Itsasoa eta zerua. Antzina ere, eguraldiaren eta kresalaren gorabeherak begiratzen zituen hemendik talaieroak.
Zeru ertzetik eguzkia irteten ikusten da, ekialdera begira baitago itsaslabarra. Urtaroz urtaro, Izaro eta Ogoño artean egiten du dantzan egunsentiak. Ipar haizeak zakar jotzen duenean, olatuek rompeolasa kolpatzen duten bitartean, bakea arnasten dugu Kantina barruko aterpean.
Talako Kantina ostalaritza proiektu txikia da, baina bere txikitik inguruan eta herrian ekarpena egin asmo duena. Espazioa mugatua da, baina irudimena ez. Itsasontzia gobernatzeko kabina hegalaria dirudi Kantinak, barra dagoen lekutik begiratuta.
Gure almazenean eta hozkailuetan dena ezin denez kabitu, elejidu egin behar da. Eta barkuari geuk esaten diogu norantz. Hau da gure aukera:
“Kantina” irakurtzen jarraituKooperatiba elkarte txikia eratu dugu, gure filosofiatik hurbilen dagoen forma juridikoa: Must Koop. dauka izena. Kantinan, beharginok hartzen ditugu gure lanari buruzko erabakiak. Ostalaritzaren gure eredua lantzen joan gara urteotan. Burujabea.
Ezagutu gure lan taldea.
Hemen joango gara publikatzen gure notiziak, ideiak, ekimenak…
· Enoteka Kronika ·Iberdrola dorrea, 2022ko azaroak 7 Astelehen buruzuri bat. Han joan ginen gu Bilbora, Bizkaiko Txakolinaren dastaketa batera, Iberdrola dorrera. Handik bueltan, dozenaka kopa probatu eta gero, gure Top9 zerrenda osatuta itzuliko ginen… · testua: Nahia Galvan· oharrak: Ekaitz Goienetxea
KAFEA · INFUSIOA · TXOKOLATEA Talako Kantinaren hiru produktu hauek kafe-makinaren eremuan juntatzen dira. Espezialidade-kafea eskaintzen dugu Kantinan, Bermeoko kafe onena igual? Oraindino ikasten eta hobetzen jarraitzen dugu, beraz onena ailegatzear egongo da! Hiru errota dauzkagu eta, horietako baten, kafea aldatzen joaten gara, jatorri, prozesu eta barietal desberdinak probatzen joateko. Nonoiz hirugarren errota horretan eduki …
Barista ikastaro trinko baten egon gara. Horretarako probestu dugu udaosteko etenaldiaren lehen astea. Hiru eguneko ikastaroan, kafea ulertzeko modua aldatu egin zaigu, goitik behera. Hasieratik eta amaierara. Kafea fruta bat dela bagenekien, gerezi gorria dela landarearen hazia – edo horia, edo laranja, kolore gehiago ere hartzen ditu-eta fruta helduak, kafe barietalaren arabera. Eskuz jasotzen dituzte …
Solstizioagaz batera, ekialdea inoiz baino iparralderago dago urte sasoi honetan. Izarorantz bueltatzen hasiko da apurka eguzkia datozen egunsentietan, eta Kantinan udako ordutegian irekiko dugu hemendik aurrera:
| · aste barruan · | · asteburuan · |
| 10:00 / 23:00 | 11:00 / 23:00 |
Azken tragoa eguna legez luzatzen diren ilunabarretan, aste barruan ere hamaikak arte egongo da erabilgarri gure terraza. Kanpaia ordu laurden arinago jalgiko dugu, 22:45ean, edalontzia azken biderrez betetzeko: Last Call.
🌞🌼🌻🌖
Lau ohartxo:
1 · Terrazako aulkiak eta mahaiak ez mugitu terraza eremutik.
2 · Eskatu barran, mesedez, ez daukagu terraza zerbitzurik.
3 · Belartzako mahaietara eroaten badituzu edalontziak, ekarri bueltan.
4 · Itsasertzean gaude, ez bota ezer berenganera.
